Lidhja Demokratike e Kosovës ka thënë se u bënë thirrje partive të koalicionit qeverisës që të dakordohen me zgjidhjen e propozuar nga kjo parti dhe ti sigurojnë votat.
Përmes një njoftimi për media kjo parti ka thënë se grupi i tyre parlamentar është unik në ëktë qëndrim.

Njoftimi i plotë:

“Lidhja Demokratike e Kosovës, në takimet me partitë e koalicionit qeverisës, ka ofruar zgjidhjen më të arsyeshme, e cila i hap rrugë ratifikimit të Marrëveshjes për Shënimin e Kufirit ndërmjet Kosovës dhe Malit të Zi. LDK-ja u bën thirrje partive të koalicionit qeverisës që të dakordohen me zgjidhjen e propozuar nga LDK-ja dhe t’i sigurojnë votat e shumicës qeverisëse. LDK-ja i siguron qytetarët se vullneti i saj është në përputhje të plotë me vullnetin e tyre për lëvizje të lirë dhe se grupi jonë parlamentar është unik në këtë qëndrim”, thuhet në një komunikatë të LDK-së.